2019 жылғы 15 ақпанда аудан әкiмдiгiнде аудан әкiмiнiң орынбасары Динара АқанқызыАнафинаның төрағалығымен Ғабит Мүсiрепов ауданының ауылдық жерлерiне жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсiптiк сала мамандарына әлеуметтiк қолдау шараларын көрсету туралы комиссияның отырысы өткiзiлдi.

Комиссия отырысының қорытындысы бойынша ауылдық жерлердегi мамандарды одан әрi нығайту мақсатында әлеуметтiк саланың 10маманға 70 айлық есептiк көрсеткiш көлемiнде көтерме жәрдемақы төлеу ұсынылды.

Отырыстың соңында комиссия төрағасының орынбасары, экономика және қаржы бөлiмiнiң басшысы А.Р. Елжанова мамандарына шарттың орындалуы бойынша түсiндiру жұмыстары жүргiзiлдi.